Schifåhrer-Blues

Ref: Zwoa Brettl´n a g´führiger Schnee, juche!
Des kennt a jeder, des isch a Gaude!

1. Då hocksch nåcha auf´m Sessl und du kånnsch di it rühra,
dir isch viel z´kålt, kånnsch kaum dia Zeacha no spüra.
Oba steigsch nåcha aus, åber d´Schi sei dir z´gäng!
Du kånnsch it g´scheid fåhra, weil dia Schuach sei dir z´eng.
Dia Pischta isch z´hårt, und wenn´s Knochabrüch geit,
nåcha braucht´s di it wundra, weil då sei viel z´viel Leit - Oh yeah!

Links und rechts vo der Pischta håt ma d´Bähm weckk´holzt,
Gott sei dånk, weil siescht war i glei aud oan draufgebolzt!
Und då Rånd vo der Pischta håt ma mit Stecka markiert,
då dauert´s it lång, hån i oan weckrasiert!
Iatz holt ma mi mit´m Akja åb, der Fuaß tuat mir weah,
i scheiß auf dia Brettl´n und i scheiß auf´n Schnea - Oh yeah!

2. Wenn Schwein håsch und du den Tåg überlebsch,
wenn´s auifåhra und o des ouifåhra hebsch,
nåch kånn´s passiera, bis um hålber viera,
steaht läschtigerweis´ ålba a Weib neben dir!
Des isch - i såg dir´s genau, weil i kenn´s -
a Schihås oder a Anti-Virgo-permanens - Oh yeah!

Nåcha luagt sie di o, tuat mit da Wimpera klimpera,
und saht geh geah mir no a Stamperle stimpera.
Åber hocksch in der Schihütta, kimmsch numma weck,
und wenn nocha zua bisch, håsch erscht da Dreck,
weil nåch mågsch luaga, wia då ouikimmsch,
ohne daß glei a poor Bähm mitnimmsch - Oh yeah!

Ref: Zwoa Brettl´n a g´führiger Schnee, jedlduiri!
Des isch iatz o im Summer a Gaude!

3. Des ålles war bis no jå o recht hetzig gwest,
åber då hån i nacht wås grausig´s i der Zeitung glest.
Weil der nuischte Hit, der hoaßt bei ins iatz "Gletscher-Schi",
då måcha a so a poor Loitla ins dia letschta Gletscher hi.
Und mit da Gäscht wåchst då doba o der Åbfållhaufa,
und des Wåsser müassa in fufzg Jåhr insera Kinder saufa - Oh yeah!

Jå, jå, des Schifåhra muaß ma iatz o im Summer kenna,
då siecht ma sie in modische Ånzüg doba ummarenna.
Und guat ingölt will ma då in der Sunna flåcka,
åber går so lång weard dia Natur des numma påcka!
Wenn i so eppas hear, tuat´s mir im Hearz dinna weah,
weil mir scheißa iatz auf´n Gletscher, strahja Kunstdünger i´n Schnea - Oh yeah!


Der Wüsten-Kanon
Toni

Dises Lied entstand lange vor dem eigentlichen Bluatschink-Projekt. Der "Schifahrer-Blues" wurde bereits im Jahre 1981 beim Musik-Ball in Bach uraufgeführt und ist somit wohl das älteste Bluatschink-Lied:
9 Jahre bevor Toni & Peter unter anderem mit ihrem Lied vom Bluatschink am 6. Juni 1990 zum ersten mal als Bluatschink auf die Gefährdung der "Wildflußlandschaft Lech" und andere Probleme im Lechtal aufmerksam machen sollten.