Dankschea

Bluatschink
Dankschea

Dankschea


1. Des wås i då sing, des isch a Liad wo mancher denkt:
"Warum söll i dånka, ma kriagt sowieso nix gschenkt?
Ålles, wås i hån, für des hån i mei Leba lång gekämpft!"

Dabei fångt des Leba mit am Riesagschenk scho o,
bei mei'm erschta Schroa hån i no nix dafür geto!
Der perfekte Plåtz, perfekte Zeit in der i leba ko!

Ref: Und i möcht Dånkschea såga.
dafür, dass i des alls erleba derf!
Jå, i möcht Dånkschea såga,
dafür, dass i des Leba leba derf,
mei Leba leba derf - mit enk erleba derf!

2. Für dia Menscha, dia mir auf mei'm Weg begegnat sei,
dia mi tråga und begleita, sie versteah mi glei.
s'Leba isch a Åchterbåhn, doch sie sei ålba mit dabei.

Isch des a Gebet oder nur a Liad, des oaner singt?
Der hålt oafåch Glück khåt håt mit dem, wås es Leba bringt,
der jedes winzigkloane Geschenk hålt nia als selbstverständlich nimmt!

Ref: Und i möcht Dånkschea såga ...

B-Teil: 86.400 Sekunda jedn Tåg, jedn Tåg.
86.400 Mål a Grund, warum i leba måg!
86.400 Sekunda jedn Tåg, jedn Tåg -
Toal vom Universum sei!


Zur Startseite | Bluatschink CDs | Kontaktadressen...
Admin Mail: guru@bluatschink.at

location: http://www.bluatschink.at/dinnadaussa/dankschea.htm